AKI (褔島章嗣)

---

福島章嗣原本住喺日本福岡縣南邊嘅城市久留米，喺日本做音樂呢行已經四年，還組成過樂隊「Climb your Mind」，後來喺東京識到依家個老婆Picca。由於Picca係澳門人，佢希望可以番澳門生活，佢哋結完婚商量過之後，福島章嗣決定移居澳門。初初嚟到澳門，佢選擇從事自己最擅長嘅音樂工作，同埋參加咗刃記結他手公開招募嘅選拔，憑住出色嘅彈奏技巧同舞台感染力，喺2013年成功加盟刃記。後來有更多嘅發展機會，開始同其他本土歌手例如劉蘊晴、彭永琛、馬檇鏗同埋龍世傑等等，去編曲同幫佢哋作曲之類，還周不時會去其他地方表演。2017年佢發佈咗第一張專輯《Monolouge EP》，可以話係外地人喺澳門成功嘅例子。

** 以上資料轉錄自維基百科